« Ouni Sécherheet gëtt et keng Fräiheet, ouni Fräiheet keng Sécherheet. D‘Sécherheet ass dofir eng vun den Haaptaufgabe vum Staat », seet de Léon Gloden.

Den Affekot ass zënter 2009 CSV-Deputéierten. Hie këmmert sech ëm Sécherheet, Justiz an Europa. Him läit och eng nohalteg wirtschaftlech Entwécklung vum Osten um Häerz. Mat der Zukunft vum Land huet en sech am Kader vun der Verfassungsreform beschäftegt.

Politik muss fir den CSV- Bezierkspresident a Buergermeeschter vu Gréiwemaacher Resultater fir d’Leit bréngen.