« Ech hu mech viru 15 Joer a menger Partei engagéiert, well et net duergeet einfach ze kritiséieren, mä et soll ee versichen duerch perséinlechen Asaz eppes ze beweegen. » Esou beschreift d’Claudine Konsbruck säi Wee an d‘Politik.

Nieft Froen am Kontext vun der Justiz an der ëffentlecher Sécherheet, mat deenen si berufflech ze dinn huet, si Kultur a Soziales politesch Felder, an deenen d’Claudine Konsbruck mat hirer Partei Akzenter setze wëll.