“Zesummen” ass d‘Schlësselwuert fir de Jeff Boonen. Sou bréngt den Ingénieur agronome d’Ëmfeld vum Bauer mat wëssenschaftleche Projeten a mat der Foire Agricole an der Akerbauschoul zesummen. Och “d’Zesummespill” vu Landwirtschaft an Ëmwelt ass him wichteg.

Hie wëll Leit iwwerzeegen, no Kompromësser sichen an esou “Saache veränneren”. An der Landwirtschaft. Awer och an der Familljen- a Fuerschungspolitik. Vun 2011 bis 2016 war de bestuete Papp vun zwee Kanner President vun der Lëtzebuerger Landjugend a Jongbaueren.