“Vill Leit kritiséieren ëmmer nëmmen, ouni awer selwer d’Initiativ ze ergräifen”, fënnt d’Sonja Conzemius. D‘Juristin beim LCGB wëll duerfir selwer Responsabilitéit iwwerhuelen.

Si wëll “aktiv matschaffe fir eist Land no vir ze bréngen”. Besonnesch a Saache sozial Kohäsioun, Aarbechtspolitik, Liewensqualitéit, Nohaltegkeet an Aarmutsbekämpfung. An dat no bei de Leit. Och soss ass si ganz engagéiert. An der Gemeng. Awer och an de Komiteeë vun der CSV Norden a vun der nationaler CSJ a CSF.