“Mir kënnt et op praktesch Léisunge fir eis Bierger un. Ech si keen Theoretiker”, sou de Jean-Marie Halsdorf. Den Apdikter ass ee „normale“ Mënsch bliwwen.

Vun 1994 bis 2004 an elo erëm vun 2013 un ass hien Deputéierten. Hie beschäftegt sech mat Innen-, Verdeedegungs-, Gesondheets- a Sozialpolitik.

Vun 2004 bis 2013 war hien Innen- a Landesplanungsminister. Vun 2009 un sinn Défense, Polizei a Groussregioun a säi Kompetenzberäich dobäikomm. Vun 2000 bis 2004 war hie Buergermeeschter vu Péiteng. Zënter 2017 ass hien hei erëm Schäffen.