“Ech hu mech nach ëmmer fir de soziale Fortschrëtt agesat. An dat wäert och an Zukunft esou bleiwen”, sou den Aly Kaes. De geléierten Dréier huet sech als President vum “Forum pour l’Emploi” an als LCGB-Sozialsekretär méi wéi 30 Joer laang fir Solidaritéit agesat.

Zënter 2004 ass hien Deputéierten. Och hei engagéiert hie sech energesch fir Soziales, Solidaritéit mat de Regiounen, besser Infrastrukturen an een eenheetleche Waasserpräis.

Vun 1994 bis 2006 war hie Buergermeeschter vu Baastenduerf. Zënter 2006 ass hie Gemengechef vun Tandel.