“Ech wëll antriede fir e Land, dat sech beweegt, e Lëtzebuerg mat enger fairer Chance fir jiddwereen”, betount de Gilles Roth.

De fréiere Regierungsconseiller am Finanzministère a Jurist ass zënter 2007 an der Chamber. Hei këmmert sech de Fraktiounsvizepresident ëm Steier- a Finanzpolitik, awer och ëm Justiz- an Innepolitik, grad wéi och ëm d’Verfassungsreform. Wichteg ass fir hien e Gläichgewiicht tëschent Steiergerechtegkeet a Kompetitivitéit.

Zënter 2000 ass hie Buergermeeschter vu Mamer. 2013 war hien och CSV-Fraktiounspresident.